بسم الله لا قوة الا بالله


الطريقة اخدتها من سلمى عزت مقدمة برنامج صحى ودايت على قناة الاسرة والطفل

وانا قدمتها كنوع من المقبلات الحلوة

الطريقة دى تقدرى تعملى بيها زبده الفول السودانى او النوتيلا بطريقة سهلة ومقادير متوفرة عندك ان شاء الله تعجبكم

كمان تقدرى تبدعى وتغيرى من الفول للبندق او عين الجمل

أنا اضفت للمكونات من عندى كاكاو خام ومعلقة نسكافيه صغيرة كمان اللى عايزاها انعم من كده تزود لبن بس انا كده حلوة بالنسبه ليا

IMG_0934

زبدة الفول سودانى والنوتيلا

2 كوب سودانى محمص

2 معلقة كبيرة زيت نباتى

معلقة كبيرة عسل نحل

ربع معلقة صغيرة ملح

لبن خالى الدسم حسب الاحتياج

IMG_0935

للنوتيلا: ربع كوب كاكاو نوعية جيدة – ربع كوب لبن خالى الدسم

يطحن السودانى فى الكبة او الفود بروسيسور حتى ينعم ثم يضاف الزيت والعسل والملح ويخلط جيدا

يقسم الخليط نصفين

لزبدة الفول سودانى نأخذ اول جزء ونضيف اللبن تدريجياً مع الخلط حتى تنعم زبدة الفول السودانى

ملحوظة : من الممكن ان يفصل الزيت عن السودانى نستمر فى الخلط مع اضافة نقطة من اللبن حتى تتماسك مرة اخرى

للنوتيلا ناخذ الجزء الاخر ويخلط مع الكاكاو واللبن حتى يصبح خليط ناعم

هذه الكمية تنتج حوالى 20معلقة صغيرة يمكن مضاعفة الكمية حسب الاحتياج

تحفظ فى الثلاجة وتخرج 10 دقائق قبل الاستخدام حتى يسهل فردها

معلقة صغيرة زبدة الفول سودانى : 75 سعر حرارى

معلقة صغيرة كريمة السودانى( باستخدام نسكويك): 85 سعر حرارى

ملحوظة : السعرات تقريبية


النوتيلا بالفول السودانى من وصفات ( شيماء سيف )

Comments

comments

1238 Total Views 1 Views Today