بسم الله الرحمن الرحيم 

شاورما الكبده من وصفات شيماء سيف 

output_XsXjqi1

المقادير 

نصف كيلو كبده مقطعة شرايح بالطول – عدد 2 بصل مقطع شرايح بالطول – عدد 2 فلفل رومى مقطع شرايح بالطول – عدد 2 طماطم مقطعة شرايح بالطول – 2 فص ثوم مفروم ناعم – ملح – كمون – خل – فلفل اسود – شطه – عصير ليمون 

1001431_576216915770349_876613380_n

الطريقة 

الكبده متقطعة اسكندرانى بتبلها فى ثوم مفروم ناعم مع خل وملح وكمون وشطه وفلفل اسود
انا سبتها فى التلاجة ساعتين بس ممكن على حسب مانتى عايزة بس مش اقل من نص ساعة
فى طاسه نحط شويه زيت ولما يسخن تنزلى بالكبده لحد ما تبدأ تدخل فى السوا
تكونى مقطعة بصل شرايح وفلفل اخضر وطماطم
تنزلى بالبصل الاول وتقلبى شويه وتنزلى بالفلفل والطماطم وماتخليهومش على النار كتير
وبعدين لما تطفى تعصرى لمون
قدميها فى العيش او مكرونه او رز ابيض

1239577_576216889103685_423273930_n

عيش التورتيلا 

2 ونص كوب دقيق منخول عليهم ربع معلقة ملح وزيهم سكر وبيكينج بودر وانا زودت من عندى 1 معلقة كبيرة لبن بودر تقلبى الاول كل دول
وتضيفى 2 معلقة كبيرة سمن وتقلبى لحد مايكون زى الرمل
كميه المايه مش محدده علشان حسب نوع الدقيق بتجيبى كوبايه فيها مايه دافيه وتحطى حبه حبه وتعجنى لحد ما العجينه تلم معاكى
تفضلى تعجنى كويس وتسبيها ترتاح ربع ساعة
وبعدين تقسميها على 8 قطع او 9 وتلفيهم كور وطبعاا بتغطى كل ده بفوطه علشان ماينشفوش
تخليهم يرتاحو 10 دقايق كمان
وتاخدى كل كورة تفرديها دايرة ويكون على النار طاسه تيفال سخنه تحطى العيش حتلاقيه بيقب ولونه بيتغير تقلبيه الناحيه التانيه وتطلعيه فى طبق وطبعاااا يكون متغطى بفوطه برضو علشان ماينشفش
انا كمان جربت فيه جبنه شيدر على موزريلا ممكن ترشى زعتر معاهم حبة البركه وتقفليه نصين وهو على النار وتضغطى عليه لحد ما الجبنه تسيح حلووووو جدااا كمان والف هنا وشفا

971286_576216885770352_935600208_n

1000013_576216882437019_1297192614_n

 

Comments

comments

1021 Total Views 2 Views Today