بسم الله الرحمن الرحيم

بفضل ربنا الفطيرة دى فكرتى وهى عبارة عن تشكيلة من الخضار وصدور فراخ مشويه ( فكرة لو عندك بواقى فراخ واى خضار ومش عارفة تعملى بيهم ايه )

تقدرى تستغنى عن اى حاجة من المكونات حسب المتوفر عندك ولو تحبى تزودى حاجة خير وبركه

يلا نبتدى على بركة الله

IMG_1337

المقادير

2 كوب دقيق

2 ملعقة كبيرة لبن بودرة

1 ملعقة كبيرة سكر

3 ملاعق كبيرة زيت

1 ملعقة كبيرة خميرة

ربع ملعقة محسن خبز ( اختيارى )

رشة ملح

ماية دافيه للعجن

فطيرة الفراخ المشويه مع الخضار من وصفات شيماء سيف

طريقة العجين

بتخلطى كل المكونات مع بعض وتعجنى كويس اوى لحد ما تكون عندك عجينه متماسكه وطرية زى القطنه

تدهنى طبق شويه زيت وتحطى العجين وتغطيها وتخليها تخمر ممكن ساعة او اقل

مقادير الحشو

2 صدر دجاج مشوى

2 معلقة كبيرة خرشوف سوتيه

2 معلقة كبيرة مشروم

3 معلقة كبيرة سبانخ فريش

2 معلقة كبيرة فلفل اخضر

2 معلقة كبيرة فلفل احمر

2 معلقة كبيرة فلفل اصفر

بصلة كبيرة مقطعة جوانح

2 معلقة كبيرة صوص بشاميل ثقيل

شرايح من الجبنه الشيدر

ملح – فلفل اسود – رشة كبيبة صينى – بودرة ثوم – بودرة بصل

IMG_1339

الطريقة

فى طاسة على النار فيها شويه زيت زتون تنزلى بالبصل الجوانح ولما يدبل تنزلى بالمشروم والسبانخ وبعدين الفلفل الالوان تقليبة وتحطى الخرشوف والفراخ والتوابل وتنزلى بالبشاميل تقلبتين وتطفى

افردى العجين فى صينيه تدخل الفرن حطى الحشو وفوق الحشو شرايح الجبنه وغطى بباقى العجين ادهنى اقل من ربع كوب لبن عليه ربع معلقة صغيرة نسكافيه وبيضة صغيرة

رشى سمسم ودخليها فرن سخن لحد مايكون لونها ذهبى

فطيرة الفراخ المشويه مع الخضار من وصفات شيماء سيف


فطيرة الفراخ المشويه مع الخضار من وصفات شيماء سيف

والف هنا وشفاااا

Comments

comments

1082 Total Views 1 Views Today