بسم الله الرحمن الرحيم

 

output_XsXjqi1

 

 

الطريقة

اولا العجين

3 كوب دقيق – معلقة كبيرة خميرة فوريه – 3 معالق كبيرة لبن بودرة ممكن تستبدليها بزبادى – معلقة سكر – معلقة صغيرة بيكينج بودر – زيت – مايه دافيه

1- نحط الخميرة والسكر مع ربع كوبايه مايه

2- نخلط المكونات الجافة

3- نضيف الخميرة بعد ما تكون ارتفعت شويه

4- نضيف الزيت حوالى 3 معالق كبار

5- نعجن كويس اوى لحد ماتكون عجينه طريه نغطيها ونسيبها تخمر

 

 

 


مكونات الحشوة

بسطرمه – فلفل اخضر – ماشروم – طماطم مكعبات من غير البذر – زيتون شرايح – جبنه موزريلا وشيدر

بعد ما العجينه تخمر نفردها على شكل مستطيل نحط جزء من الحشو فى اول المستطيل ونقفل وبعدين نحط جزء تانى ونقفل لحد بحيث ان كل جزء فى العجين يكون جواه الحشو ونحطها فى صينيه تدخل الفرن وندهنها بيض ولبن وانا رشيت بابريكا حبه البركه جبنه انتى حسب اللى موجود عندك ممكن زعتر كمان

تدخل فرن حامى لحد ما تستوى والف هنا

 
 
 
 

 

Comments

comments

686 Total Views 1 Views Today