بسم الله الرحمن الرحيم

بما انى بحب القهوة العربى وانا بشربها فكرت اعمل بيها كيك دورت على وصفات لقيتها كلها بالقهوة العاديه رحت دخلت المطبخ واخترعتها بفضل الله مع الصوص بتاعها وهو (اللبن المكثف بنكهة القهوة العربى ) والحمد لله طلعت حلوة

يلا نبتدى

output_XsXjqi1

 

كيك بنكهة القهوة العربى من وصفات شيماء سيف

المقادير

3 بيض بدرجة حرارة الغرفة

1 كوب سكر ( انا بحب كميه السكر قليلة شويه علشان الصوص حيبقى فيه سكر )

3/4 كوب زيت

2 كوب دقيق

نص كوب لبن رايب انا عملته فى البيت حطيت حليب عليه شويه خل صغيريين ممكن جاهز طبعاا بس من ضمن الاختراعات

ربع كوب قهوة عربى مصفاة

ربع كوب قهوة محوجه مصفاه

1 ملعقة كبيرة بيكينج بودر

فانيليا

كيك بنكهة القهوة العربى من وصفات شيماء سيف

مقادير الصوص

1 كوب لبن بودرة

1 كوب سكر بودرة

نص كوب قهوة محوجه على قهوة عربى مركزين ومتصفيين من اى شوائب

نحطهم على النار مع مكعب زبده صغير لحد ما يتقل ويكون زى الحليب المكثف العادى

كيك بنكهة القهوة العربى من وصفات شيماء سيف

الطريقة

نخلط البيض والفانيليا والسكر لحد مايكون خليط كريمى

نضيف الزيت والقهوة ونخلط

ننخل الدقيق مع البيكينج بودر ونخفق برفق

توضع فى صينيه تدخل الفرن لمده 35 دقيقة ويتم اختبار سواها بالخلة

بعد ما نخرجها من الفرن نخليها تبقى دافيه ونحط عليها الصوص

والف هنا وشفااا

output_XsXjqi1

كيك بنكهة القهوة العربى من وصفات شيماء سيف

 

Comments

comments

834 Total Views 2 Views Today