بسم الله الرحمن الرحيم

بصراحة جه ف بالى اعمل ملوخية خضرا بس باللحمة المفرومه قولت اجربها وعجبتنى جدا الحمد لله غير كمان لو حد من الولاد مش بياكل اللحمة مش حياخد باله

المقادير

كيس ملوخية مجمده او حسب المتوفر

2 كوب شوربة

ثوم

كزبرة جافة

شطة

ملح

رشة من الفلفل الاسود

1 ملعقة صغيرة ممسوحة سكر

بصلة صغيرة مفرومه

250 جرام لحمة مفرومه

زبده او سمنه حسب الرغبه

1 ملعقة زيت

 

الطريقة

1- يفرم الثوم مع الكزبرة الجافة ورشة من الملح والشطة حسب الرغبه ويوضع مقدار ملعقة فى الشوربة مع اضافة مقدار السكر وتترك لتغلى على النار قليلا

2- توضع الملوخية فى الشوربة وتقلب من وقت لاخر مع مراعاة عدم تغطيتها وابعادها جانبا عن النار

3- فى قدر صغير على النار نضع البصلة المفرومه مع رشة من الملح وتضاف اللحمة المفرومه وتقلب حتى تمام النضج تنكهه بالفلفل الاسود والملح فقط

4- فى مقلاة على النار نضع الزبده مع ملعقة الزيت ونضع الثوم والكزبرة ويقلب

5- اثناء ذلك تكون الملوخيه على نار متوسطه ونضع اللحمة المفرومه ثم تضاف اخيرا (طشة الملوخيه) الثوم والكزبرة ثم تقدم الملوخية ساخنة

Comments

comments

821 Total Views 3 Views Today