بسم الله الرحمن الرحيم
انا بعترف انى مش بحب شغل الحلويات خالص بس لما بعمل حاجة لازم تكون بسيطه وكمان علشان الولاد المهم هما طلبوا منى دوناتس ودورت على طريقة تكون بسيطه والحمد لله لقيت الطريقة اللى حكتبها وعملت الدوناتس وعجب ولادى جدااا
المكونات
3 كوب دقيق … 3 معالق كبيرة سكر … 1 معلقة كبيرة خميرة .. نص معلقة صغيرة بيكينج بودر … بيضه … فانيليا … نص اصبع زبده او 50 جرام زبده … 1 كوب ماء دافئ
1- نضع المواد الجافة معا
2- ندوب الزبده مع 1كوب ماء دافئ ونضع البيضة والفانيليا ونقلب كويس
3- نحط خليط البيض والزبده على المواد الجافة ونعجن كويس وممكن لو احتاجت دقيق نضيف ومحدش يزود عن ربع كوبايه علشان ماينشفش
4- نغطى العجين ونخليه يخمر لمده ساعة
5- نرش دقيق ونفرد العجين نقطعه باقطاعات ولو معندكيش استخدمى كوبايه تكون كبيرة شويه وغطا ازازة
6- غطى الدوناتس تانى بعد ما قطعتيه وخليه يخمر ربع ساعة كمان
7- جهزى الزيت ويكون غزير وكمان لا سخن ولا بارد وسط اقلى الدونتس وطلعيه على ورق مطبخ وزينيه باى حاجة عندك ابسط حاجة رشى سكر بودر 
تواصل معنا