بسم الله الرحمن الرحيم
ريش مشويه ومكرونه بصوص البيستو
اولا مقاديرالريش
كيلو ريش او على حسب اعداد الاسرة – بصلة مبشورة ناعم – 2 طماطم مبشورة – ملح – فلفل اسود – بهارات لحمة – خل – ملعقة مستردة – جنزبيل بودر – بودرة توم – وشوية زيت زيتون – زعتر بودر
طريقة الريش
نخلط كل المكونات مع بعض ونتبل الريش ويفضل قبلها بوقت كافى
نجهز الجريل وتكون سخنة ثم نضع الريش لحد ما تستوى
ممكن نحطها تاخد علامات الشوى على الجريل ثم توضع فى صينية وتدخل الفرن ونغطيها بفويل لحد ما تستوى
ثانيا مقادير المكرونة وصوص البيستو
ريحان فريش + ثوم +عين جمل وفى الاصل بيستخدم الصنوبر اذا كان متاح+جبنة رومى مبشورة وفى الاصل يستخدم جبن بارميزان ايضا اذا كان متاح + زيت زيتون
كل المكونات دى نفرمها مع بعض كويس وبيكون خليط ناعم
الطريقة
نسلق المكرونة ونصفيها ونحط كريمة لبانى فى الحلة على نار هادية وبعدين نحط صوص البيستو و نقلب ونحط المكرونة
تقدم المكرونة وفوقها الريش المشوية
الف هنا وشفااا
تواصل معنا