بسم الله الرحمن الرحيم
انا غالبا مش بحب اكتب كميات بسيبها مفتوحة علشان كل واحد يعمل اللى مناسب لعدد الاسرة
حنجيب قطع من صدور الفراخ
ونبدأ نجهز خلطه التتبيل
على نص كيلو فراخ 3 معالق كبيرة دقيق – معلقة كبيرة نشا – ملح – فلفل اسود – جنزبيل بودر – ثوم بودر – بصل بودر – كارى – مسترده – لعمل تويستر حار حنضيف هوت صوص وشطه حارة
نخلط كل المكونات ونبدأ نضيف قليل من المايه لحد ما يكون خليط سائل زى الطحينه سميك نوعا ما مش سايل اوى
نحط قطع الفراخ ونقلبهم كويس بحيث كل قطعه تتبل وتتغلف بالخلطة
نحطها فى التلاجة من ربع ساعة لنص ساعة
نجهز زيت غزير للقلى
فى كيس نحط 4 معالق دقيق نص معلقة صغيرة بيكينج بودر 1 معلقة كبيرة نشا نتبلها بشويه من البهارات اللى تبلنا بيهم الفراخ
ناخد قطعة قطعة نحطها فى الكيس ونرج الكيس وعلى طول على الزيت بلاش نضغط عليها
نقلبها لما تبدأ تاخد لون ذهبى
تلف فى عيش تورتيلا او عيش لبنانى مع خس مايونيز خيار مخلل
الف هنا وشفاااا
تواصل معنا