بسم الله الرحمن الرحيم
الوصفة دى شوفتها على النت واحده فى منتدى كانت عملاه جزاها خير صاحبة الوصفة وانا جربته رائع جدا … وانا غيرت فيها شوية بس النتيجة روووعة ويستاهل التجربة
المقادير
2 كوب دقيق
نص كوب ماء عليه 2 ملعقة كبيرة لبن بودرة
ربع كوب زيت
ربع كوب ماء
2 ملعقة كبيرة سكر
1 ملعقة كبيرة خميرة
الحشو
جبنة شيدر احمر واصفر مبشورة
جبنة فيتا مع 2 ملعقة بقدونس وملعقة زعتر بالسمسم
الطريقة
بنخلط اللبن البودرة مع المايه والزيت وربع كوب الماية والسكر والخميرة ونقلب وننزل بيهم على الدقيق
نعجن لو حسينا انها محتاجة دقيق رشى شويه بس العجينه طرية زى القطنه ومطاطيه
تغطيها وتخليها تخمر
لما تخمر حنقسمها كور انا قسمتها حوالى 11 كورة وطبعا حسب حجم العيش اللى عيزاه
تحطيهم على صينيه مرشوشه دقيق
تاخدى كورة وتطغى عليها من النص وتحطى الحشو وتقفلى وتعمليها كورة تانى وتحطى على الصينيه
لحد ما تخلصى كل الخطوات تغطيهم وتسبيهم يخمروا تانى عشر دقايق
اهم خطوة بقى الفرن يكون شغاااااال فوق وتحت ضرورى جدا ويكون سخن جداا
تبدأى تفردى كل كورة بالراحة على شكل دايرة وتحطيها على صينيه مدهونه زيت
انا دهنتها 2 معلقة لبن بودرة مع ربع معلقة نسكافيه وتخففى بمايه وتدهنى العيش وترشى سمسم او حبة البركه
ده شكل العيش وهو فى الفرن
وده شكله لما طلع
اللى بحبة البركه محشى جبنة شيدر
واللى بالسمسم بالجبنة الفيتا والبقدونس
تواصل معنا