بسم الله الرحمن الرحيم
طريقة سهلة وسريعة ان شاء الله تعجبكم
1- لحمة مفرومة نص كيلو ونحط عليها بصلة مفرومه ومعصورة وملح وفلفل نخلط كل المكونات ونعملها كور
2- فى طاسة نحط شوية زبدة مع زيت ونحط الكفتة فى الدقيق ونفضها كويس منه ونحطها فى الطاسة لحد ماتلون
3- نطلع الكفته فى طبق ونحط فى نفس الطاسة بصلة مفرومة ونقلب ولما تصفر نحط 2 فص ثوم مفروم ونقلب ثم نضع البطاطس المكعبات ونقلب ثم نضع عصير الطماطم و1 م ك صلصة ونتبل بالملح والفلفل الاسود
4- نغطى لحد ماتتسبك شوية بس اهم حاجة البطاطس تحتفظ بشكلها ثم نضع الكفتة وفى الوقت ده نضيف شرايح من الفلفل الاخضر او الاحمر الحامى شوية تغلى ونطفى عليها تقدم مع ارز ابيض بالشعرية
طريقة عمل الرز
1- فى حلة على النار بنحط معلقة زبده ومعلقة زيت وننزل بربع كوبايه من المكرونة الشعريه ونقلب لحد مايكون لونها ذهبى
2- ننزل بمقدار الرز ونكون غسلينه ومصفينه حوالى كوباية او حسب عدد الاسرة ونقلب ونحط الملح
3- ننزل بالمايه السخنه وتغطى الرز بمقدار عقلة اصبع ولما يبدأ يغلى نهدى النار ونخليه لحد مايستوى
الف هنا وشفاااا
تواصل معنا